བོད་ཡིག་སྒྱུར་བྱེད།
བོད་ཡིག་སྒྱུར་བྱེད་འདིས་ཧི་མ་ལ་ཡ་དང་། སཾ་བྷོ་ཊ། པཎྜི་ཏ། དོན་ཡོད། ཧྥང་ཀྲིང་། ཧྭ་ཀོང་བཅས་ཕན་ཚུན་བསྒྱུར་ཐུབ་པས་བོད་ཡིག་ཡིག་གཟུགས་མི་འདྲ་མ་ ཕན་ཚུན་བེད་སྤྱོད་ཐུབ་པའི་ནུས་པ་ཐོན་པར་མ་ཟད། ད་དུང་བོད་ཡིག་ཀ་མད་གོ་རིམ་སྒྲིག་ཐུབ་པས་བེད་སྤྱོད་མཁན་ལ་དམིགས་བསལ་གྱི་ཐུགས་མཁོ་སྐོང་། རྩོམ་སྒྲིག་དང་། དཔེ་སྐྲུན། དཔར་འདེབས་སོགས་བོད་ཡིག་ལས་རིགས་ལ་སྟབས་བདེ་ཆེན་པོ་བསྐྲུན་ཅིང་། བོད་ཡིག་སྤྱོད་མཁན་གྱི་སྲིད་གཞུང་ལས་ཁུངས་དང་བོད་ཡིག་ཞིབ་འཇུག་སྡེ་ཁག་སོགས་ཀྱིས་རྩོམ་འབྲི་དང་། དྲྭ་ཚིགས་བཟོ་བ། དཔེ་ཀློག་བཅས་ཀྱི་སྐོར་ལའང་ཐུགས་མཁོ་ཆེ་ཞིང་། བོད་རྒྱ་ཡིག་རིགས་གཉིས་ཀྱི་རྩ་ཐོ་ཡོད་ལ། བེད་སྤྱོད་སྟབས་བདེ་བ། བསྒྱུར་བ་ནོར་འཁྲུལ་མེད་པ། གོ་ཆོད་པ་བཅས་ཀྱི་བོད་ཡིག་སྒྱུར་བྱེད་ཅིག་ཡིན། བོད་ཡིག་སྒྱུར་བྱེད་ཐོན་རིམ་༢པའི་ནུས་པ་ཇེ་ལེགས་སུ་བཏང་བ་ནི། སྒོ་ཕྱེ་མགྱོགས་པ། སྒྱུར་ཐབས་གསར་པ་སྤྱད་ནས་སྒྱུར་མགྱོགས་སུ་བཏང་བ། ཡིག་ཆ་ཁ་འབྱེད་པའམ་གླན་པའི་ཚེ་ངོས་བཟུང་བའི་ནུས་པ་ལེགས་སུ་བཏང་བས་RTFདང་། UNICODE སྤྱིར་བཏང་ཡི་གེ། ANSIབཅས་ངོས་ཟིན་པར་མ་ཟད། ཧི་མ་ལ་ཡ་དང་། སཾ་བྷོ་ཊ། པཎྜི་ཏ། དོན་ཡོད། ཧྥང་ཀྲིང་། ཧྭ་ཀོང་བཅས་ཡིག་རིགས་སྣ་མང་ངོས་ཟིན། Wordདང་RTFཡི་ཡིག་ཆ་ཐད་ཀར་ཁ་འབྱེད་ཐུབ་ལ། མ་གཞིའི་ཡིག་ཆ་དེ་སོར་བཞག་ལ་DOCདང་RTFའགྲོས་ཅན་ཟུར་དུ་ཉར་ཆོག་པའི་ནུས་པ་བསྣན་ཡོད། སཾ་བྷོ་ཊའམ་ཡིག་གཟུགས་གཞན་དག་རྗེ་སྐབས་སྒེའུ་ཁུང་སོ་སོར་འབྱེད་པའི་ངལ་བ་མི་དགོས་པས་སྟབས་བདེ། ཡི་གེ་སྒྱུར་སྐབས་བོད་རྒྱ་དབྱིན་གསུམ་དང་ཡིག་རིགས་འདྲེས་མ། བོད་ཡིག་ཡིག་གཟུགས་འདྲེས་མ་བཅས་སོ་སོར་འབྱེད་པའི་ནུས་པ་ཁ་སྣོན་བྱས་ཕྱིར། བོད་ཡིག་ཡིག་གཟུགས་འདྲ་མིན་ཚང་མ་དུས་གཅིག་ཏུ་གཟུགས་གཅིག་ལ་སྒྱུར་ཐུབ་ཅིང་། བོད་ཡིག་མ་ཡིན་པ་རྣམས་སོར་བཞག་ཐུབ་པས་ལྷག་པར་སྟབས་བདེ། བོད་ཡིག་ཀ་ཕྲེང་སྒྲིག་མགྱོགས་པའི་ནུས་པ་བསྣན་ཡོད།
གསར་སྒྱུར་དུས།：2020-09-21 རིགས་དབྱེ།：Windows མ་ལག སྐད་རིགས།：中文 སྟེགས་བུ།：
389 གིས་ཕབ་ཟིན། ཁ་པར་ནས་བལྟ་བ།