འབྲེལ་ཡོད་དྲ་ཚིགས།
ངེད་ཀུན་ཕན་བོད་ཀྱི་གློག་རྡུལ་དཔེ་ཀློག་དྲ་བ(https://gengpanbook.com)་ནི་༢༠༡༩ལོའི་སྤྱི་ཟླ་12པའི་ཚེས་26ཉིན་དངོས་སུ་དྲ་ཐོག་དུ་བཀོད་ལ།དྲ་ཚིགས་འདི་རུ་བོད་ཡིག་གི་གློག་རྡུལ་དཔེ་ཆ(PDF)་དག་ཕྱོགས་བསྡུས་བྱས་ཡོད་པ་མ་ཟད།སློབ་གྲྭ་ཆེ་འབྲིང་ཆུང་གསུམ་ཀྱི་སློབ་མའི་སྦྱང་རྩོམ་ལེགས་ཤས་གང་མང་མང་ཞིག་དང་བོད་ཁུལ་གྱི་དྲ་ཚིགས་གང་མང་དང་མིང་གྲགས་ཅན་གྱི་མི་སྣ་དག་གི་མཛད་རྣམ་དག་ཕྱོགས་བསྡུས་བྱས་ཡོད་པས། ཀློག་པ་པོས་རང་གི་འདོད་མོས་ལྟར་ཕབ་ལེན་དང་ལྟ་ཀློག་བྱས་ཆོགགལ་ཏེ་དྲ་ངོས་ན་སྐུ་ཉིད་ཀྱིས་བདག་དབང་ལ་གནོད་པ་ཡོད་པའི་བརྩམས་ཆོས་སམ་ཁྲིམས་མཐུན་མིན་པའི་ནང་དོན་སོགས་ཡོད་ན་ང་ལ་འབྲེལ་བ་གནོང་དང་དུས་ཐོག་དུ་བསུབ་ངེས་ཡིན།གལ་ཏེ་ཁྱེད་ལ་བོད་ཡིག་གི་གློག་རྡུལ་དཔེ་ཆའམ་རང་གིས་བརྩམས་ཤིང་དྲ་ངོས་སུ་འགོད་འདོད་པའི་བརྩམས་ཆོས་ཡོད་ན་ང་ལ་འབྲེལ་བ་གནང་རོགས་ཞུ་ཞུ།
བཻ་རོ་ཙ་ན་སློབ་གསོ་དྲ་བ་ནི་སྤྱིར་དྲ་ལམ་སློབ་གསོའི་ལས་རིགས་ཤིག་ཡིན་ཞིང་གཙོ་བོ་མི་རིགས་རང་གི་སྐད་ཡིག་དང་སྤྱི་ཚོགས་ཀྱི་དགོས་མཁོ་དམིགས་སུ་བཟུང་སྟེ་རྩ་འཛུགས་བྱས་པ་ཞིག་སྟེ། དྲ་རྒྱའི་ཁྱབ་ཁོངས་དང་སྤྱོད་ནུས་ཉིན་བཞིན་འཕེལ་རྒྱས་བློ་ཡུལ་ལས་འགོངས་པར་ཕྱིན་བཞིན་པའི་སྒང་འདིར།ཕ་སྐད་དང་མ་ཡིག་སྤྱད་དེ་དུས་རབས་གསར་བའི་ཆ་འཕྲིན་གྱི་རིག་གནས་སྣེ་དང་ཟུར་མི་འདྲ་བ་གང་མང་ལ་སློབ་སྦྱོང་དང་རྒྱུས་ལོན་བྱ་དགོས་པ་ནི་གཟུར་དུ་མེད་པའི་འགན་འབབ་ཞིག་ཏུ་ཆགས་ཟིན།དེར་བརྟེན།བཻ་རོ་ཙ་ན་སློབ་གསོ་དྲ་བ་ནི་ཐོག་མའི་སེམས་བསྐྱེད་མི་རིགས་རང་གི་སྐད་ཡིག་གནས་བབ་དང་ཆ་འཕྲིན་སློབ་གསོའི་རྣམ་པ་སྤྱི་ལ་བཏད་དེ།དཀའ་སྤྱད་དང་བརྩོན་པ་དུ་མས་འཚར་ལོངས་ཀྱི་རྒྱུད་རིམ་མི་ཉུང་བ་ཞིག་བརྒྱུད་དེ་ལམ་དུ་ཆས་པ་ཞིག་ཡིན།གཞན་ཡང་བོད་ཀྱི་ཆབ་དཔལ་རིག་གསུམ་སྤྱི་ལ་ཟུར་རྒྱན་གྱི་ཚུལ་དུ་རྒྱལ་སྤྱི་རང་བཞིན་གྱི་ཆ་འཕྲིན་སློབ་གསོ་ནང་འདྲེན་དང་།མི་རིགས་རང་གི་ཡ་བྲལ་རིག་གནས་འཐུས་ཚང་དང་དྲིལ་སྒྲོགས་བགྱི་བ་དང་དུ་ལེན་པ་ནི་གཏན་གྱི་འདུན་མར་བཟུང་ཡོད།དེ་བས་བཻ་རོ་ཙ་ན་སློབ་གསོའི་དྲ་བ་ནི་བོད་ཁུལ་གྱི་ཆེས་ཐོག་མའི་དྲ་ལམ་(སྒྲ་གཟུགས་བརྙན་གསུམ་དང་ཐད་གཏོང་)ཆ་འཕྲིན་སློབ་ར་དང་TEDསོགས་ཀྱིས་མཚོན་པའི་རྒྱལ་སྤྱིའི་མཚན་སྙན་འབར་བའི་གཏམ་བཤད་གང་མང་བོད་ཡིག་གི་ལམ་ནས་གསན་གཟིགས་བྱ་ཐུབ་པའི་འཆད་སྟེགས་ཤིག་ཡིན།
ཀྲུང་གོ་བོད་ཀྱི་དྲ་བ（www.tibet3.com）ནི2006ལོའི་ཟླ6པའི་ཚེས19ཉིན་དངོས་སུ་བཙུགས་པ་དང་། ད་ལྟ་བོད་ཡིག་དང་། རྒྱ་ཡིག དབྱིན་ཡིག་སོགས་སྐད་རིགས་མི་འདྲ་བ་གསུམ་གྱི་བདག་ཉིད་ཅན་ཞིག་ཡིན་ལ། བོད་ཀྱི་ཞིང་ལྗོངས་ལྔར་ཁེབས་ཡོད་ཅིང་། རྒྱལ་ཁབ་ཕྱི་ནང་ལ་ཁ་ཕྱོགས་སྟེ་རང་རྒྱལ་བོད་རིགས་ས་ཁུལ་གྱི་ཆབ་སྲིད་དང་། སྤྱི་ཚོགས། དཔལ་འབྱོར། རིག་གནས། ཆོས་ལུགས། ཡུལ་སྲོལ་གོམས་གཤིས། ཚན་རྩལ་འཕེལ་རྒྱས། ལོ་རྒྱུས། ས་ཁམས་སོགས་ཀྱི་ཤེས་བྱ་དང་། གསར་འགྱུར། གནས་བབ་སོགས་མཚམས་སྦྱོར་བྱས་ཡོད་ལ། འདི་ནི་རྒྱལ་ཁབ་ཕྱི་ནང་གིས་ཕྱོགས་ཡོངས་དང་། དངོས་ཡོད། ཡང་དག དོན་དངོས་ཀྱིས་སྒོ་ནས་རང་རྒྱལ་བོད་ཁུལ་ལ་རྒྱུས་ལོན་བྱེད་པའི་སྒེའུ་ཁང་གལ་ཆེན་ཞིག་ཡིན་ཞིང་། ཁྱོན་ཡོངས་དང་འཐུས་ཚང་། དུས་ལྟར་བོད་རིགས་མི་དམངས་ཀྱིས་ཏང་གི་འགོ་ཁྲིད་འོག དངོས་པོའི་དཔལ་ཡོན་དང་། བསམ་པའི་དཔལ་ཡོན། ཆབ་སྲིད་དཔལ་ཡོན་འཛུགས་སྐྲུན་གྱི་ཐད་གྲུབ་འབྲས་ཆེན་པོ་བླངས་པ་མངོན་ཡོད། ལོ་རྒྱུས་དང་དོན་དངོས་ཟུང་འབྲེལ་གྱི་ཆ་ལ་གཞིགས་ན། དྲ་ཚིགས་ཀྱི་གསར་འགྱུར་རང་བཞིན་དང་དངོས་བྱུང་རང་བཞིན་འབུར་ཏུ་བཏོད་ཡོད་ལ། དྲིལ་སྒྲོག་གི་དམིགས་སའི་རང་བཞིན་དང་། དབང་གྲགས་རང་བཞིན། མི་རིགས་རང་བཞིན། ཡོངས་ཁྱབ་རང་བཞིན་བཅས་གཙིགས་སུ་བཟུང་ཡོད། ཉེ་བའི་ལོ་འགའི་རིང་ལ། བོད་ཡིག་དྲ་ལམ་ལག་རྩལ་གྱི་འཕེལ་རྒྱས་དང་ཡོངས་ཁྱབ་བེད་སྤྱོད་བྱས་པ་བརྒྱུད། ནུབ་ཕྱོགས་ཀྱི་དགྲར་འཛིན་སྟོབས་ཤུགས་དང་ཕྱི་ཕྱོགས་ཁ་བྲལ་སྟོབས་ཤུགས་ཀྱིས་དྲིལ་སྒྲོག་གི་སྟེགས་བུ་གལ་ཆེན་འདིར་དམིགས་ནས་འཛེམ་བག་མེད་པར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལ་ངོ་རྒོལ་གྱི་དྲ་ཚིགས་བཙུགས་སྟེ། མུ་མཐུད་དུ་འཆལ་གཏམ་དང་། “བོད་རང་བཙན”གྱི་འཆལ་གཏམ་སྤེལ་བཞིན་ཡོད། ཡིན་ཡང་ང་ཚོའི་རྒྱལ་ནང་གི་སྲིད་གཞུང་དང་ཁེ་ལས་འགའ་ཤས་ཞིག་ལ་བོད་ཡིག་ཆེད་ལས་དྲ་ཚིགས་ཡོད་པ་མ་གཏོགས། བོད་ཡིག་ཕྱོགས་བསྡུས་གསར་འགྱུར་དྲིལ་སྒྲོག་གི་དྲ་ཚིགས་གཅིག་ཀྱང་མེད། འདིས་མི་རིགས་ཁ་བྲལ་དང་སུམ་འཛུལ་ལ་ངོ་རྒོལ་བྱེད་པ་དང་མི་རིགས་ས་ཁུལ་གྱི་མཐུན་སྒྲིལ་གཏན་འཇགས་བཅས་ལ་གནོད་པ་ཆེན་པོ་ཐེབས་བཞིན་ཡོད།