འབྲེལ་ཡོད་དྲ་ཚིགས།
ཚ་ལུ་མ་དྲ་བའི་མིང་ཆ་ཚང་ལ་ཚ་ལུ་མ་ཚན་རྩལ་རྒྱུན་ཤེས་དྲ་བ་ཟེར་བ་དང་། འདི་ནི་པེ་ཅིང་དུ་སློབ་གཉེར་བྱེད་ཀྱིན་པའི་སློབ་ཆེན་པ་འགའ་ཡིས་བོད་ཡིག་དེང་རབས་ཅན་དང་ཚན་རྩལ་རྒྱུན་ཤེས་ཁྱབ་བརྡལ་འོངས་ཆེད་དུ་བཟོས་ཤིང་། བོད་བརྙན་དྲ་བའི་ཡན་ལག་ཞིག་ཡིན། དྲ་བ་འདིའི་ནང་དོན་གཙོ་བོ་ནི་དེང་རབས་རང་བྱུང་ཚན་རིག་དང་ལག་རྩལ་ཐད་ཀྱི་རྒྱུན་ཤེས་ཡིན་ལ། དེ་ཚོ་མང་ཆེ་བ་རྒྱལ་ཁབ་ཕྱི་ནང་གི་ཚན་རྩལ་དང་འབྲེལ་བའི་དྲ་བ་ཁག་དང་། ཚན་རིག་རྒྱུན་ཤེས་ཀྱི་དཔེ་དེབ་སོགས་ནས་བསྒྱུར་གྱི་ཡོད་ལ། ཡིག་སྒྱུར་བ་རྣམས་ནི་པེ་ཅིང་གི་སློབ་ཆེན་ཁག་ནས་རང་མོས་ཀྱིས་ཞུགས་པའི་བོད་རིགས་སློབ་ཆེན་པ་དག་ཡིན། འདིར་ཚ་ལུ་མ་ཞེས་མིང་འདོགས་དོན་ནི། གཅིག དེང་དུས་ཀྱི་དྲ་བ་དང་ཇུས་འགོད་རིག་གནས་ཀྱིས་ཤེས་བྱ་རྣམས་མི་ཕལ་པའི་འཚོ་བ་དང་ཐག་ཉེ་བའི་ལམ་ནས་བརྒྱུད་སྤྲོད་བྱེད་པ་དང་། གཉིས། གསོན་ཤུགས་དང་མཛེས་ཆོས་ཉིས་ཆ་ལྡན་པའི་ཅ་དངོས་ཀྱིས་མི་རྣམས་ལ་སྤྲོ་བ་སྐྱེད་ནུས་པས་ན། མཐར་ཚ་ལུ་མ་ཞེས་པའི་མངར་དགོས་པ་ལ་མངར་ཆ་དང་སྐྱུར་དགོས་པ་ལ་སྐྱུར་ཆའང་འདུས་པའི་ཤིང་ཏོག་འདི་མཚོན་བྱེད་དུ་བདམས་པ་ཡིན་ལ། དེ་ནི་སྟེས་དབང་གི་འཆར་སྒོ་ཞིག་ལས་བྱུང་བ་ཡིན་ཞེས་ཀྱང་མི་ཆོག་པ་མེད་དོ༎
བོད་ཡིག་བརྡ་འཕྲིན་ལག་རྩལ་དྲ་བ་ནི་སྤྱི་ལོ༢༠༠༧ལོའི་ཟླ༧ཚེས༡༤ཉིན་དངོས་སུ་ཤར་གཏོང་བྱས་པ་རེད། དྲ་བ་འདི་ནི་བོད་ཡིག་གི་བརྡ་འཕྲིན་ལག་རྩལ་སྐོར་གྱི་དྲ་བ་ཞིག་རེད། དྲ་བ་འདི་ནི་དང་ཐོག་ཨ་མདོ་བ་གླིང་སྨྱོན་གྱིས་སྒེར་གཉེར་བྱས་པའི་བོད་ཡིག་གི་དྲ་ཚིགས་ཞིག་ཡིན་ལ་བོད་རང་གི་བརྡ་འཕྲིན་ལག་རྩལ་ཐད་ལ་སྔར་མེད་ཀྱི་སྐུལ་འདེད་སྒོས་རྣམ་པ་གསར་བའི་ལམ་དུ་བསྐྱོད་པར་སྣེ་ཁྲིད་ཀྱི་བྱེད་ནུས་ཐོན་ཡོད། འབྲེལ་གཏུགས་བྱེད་ཚུལ། གལ་ཏེ་ཁྱེད་ལ་རྩིས་འཁོར་སྐོར་ཀྱི་རྩོམ་ཡིག་ཡོད་ན་ང་ཚོར་བསྐུར་དང་མྱུར་དུ་དྲ་ངོས་སུ་འགོད་རྒྱུ་ཡིན། མཉམ་འཇོག་དགོས་པ་ཞིག་ནི་ངེས་པར་དུ་གཅིག་གྱུར་ཨང་སྒྲིག་ཅན་གྱི་བོད་ཡིག་གི་ཡིག་གཟུགས་ཡིན་དགོས། གྲལ་དག་པའི་ངང་ཐད་ཀར་དུ་ཡིག་ཟམ་ནང་གཏག་ནས་བསྐུར་ཆོག་ལ Word ནང་གཏག་རྗེས་ཡིག་ཟམ་ནང་ཟུར་བཀོད་ཀྱི་རྣམ་པས་བསྐུར་ནའང་ཆོག བོད་ཀྱི་བརྡ་འཕྲིན་ལག་རྩལ་དྲ་བར་འབྲེལ་གཏུགས་བྱེད་ཚུལ་ནི། ཤིན་ལང་པོད་ཕྲན། http://weibo.com/bumpa གློག་རྡུལ་ཡིག་ཟམ། bumpa@tibetitw.com MSN : bumpagyal@outlook.com QQ : 32460212 དངུལ་སྤྲོད་ས།
ཀྲུང་གོ་བོད་ཀྱི་དྲ་བ（www.tibet3.com）ནི2006ལོའི་ཟླ6པའི་ཚེས19ཉིན་དངོས་སུ་བཙུགས་པ་དང་། ད་ལྟ་བོད་ཡིག་དང་། རྒྱ་ཡིག དབྱིན་ཡིག་སོགས་སྐད་རིགས་མི་འདྲ་བ་གསུམ་གྱི་བདག་ཉིད་ཅན་ཞིག་ཡིན་ལ། བོད་ཀྱི་ཞིང་ལྗོངས་ལྔར་ཁེབས་ཡོད་ཅིང་། རྒྱལ་ཁབ་ཕྱི་ནང་ལ་ཁ་ཕྱོགས་སྟེ་རང་རྒྱལ་བོད་རིགས་ས་ཁུལ་གྱི་ཆབ་སྲིད་དང་། སྤྱི་ཚོགས། དཔལ་འབྱོར། རིག་གནས། ཆོས་ལུགས། ཡུལ་སྲོལ་གོམས་གཤིས། ཚན་རྩལ་འཕེལ་རྒྱས། ལོ་རྒྱུས། ས་ཁམས་སོགས་ཀྱི་ཤེས་བྱ་དང་། གསར་འགྱུར། གནས་བབ་སོགས་མཚམས་སྦྱོར་བྱས་ཡོད་ལ། འདི་ནི་རྒྱལ་ཁབ་ཕྱི་ནང་གིས་ཕྱོགས་ཡོངས་དང་། དངོས་ཡོད། ཡང་དག དོན་དངོས་ཀྱིས་སྒོ་ནས་རང་རྒྱལ་བོད་ཁུལ་ལ་རྒྱུས་ལོན་བྱེད་པའི་སྒེའུ་ཁང་གལ་ཆེན་ཞིག་ཡིན་ཞིང་། ཁྱོན་ཡོངས་དང་འཐུས་ཚང་། དུས་ལྟར་བོད་རིགས་མི་དམངས་ཀྱིས་ཏང་གི་འགོ་ཁྲིད་འོག དངོས་པོའི་དཔལ་ཡོན་དང་། བསམ་པའི་དཔལ་ཡོན། ཆབ་སྲིད་དཔལ་ཡོན་འཛུགས་སྐྲུན་གྱི་ཐད་གྲུབ་འབྲས་ཆེན་པོ་བླངས་པ་མངོན་ཡོད། ལོ་རྒྱུས་དང་དོན་དངོས་ཟུང་འབྲེལ་གྱི་ཆ་ལ་གཞིགས་ན། དྲ་ཚིགས་ཀྱི་གསར་འགྱུར་རང་བཞིན་དང་དངོས་བྱུང་རང་བཞིན་འབུར་ཏུ་བཏོད་ཡོད་ལ། དྲིལ་སྒྲོག་གི་དམིགས་སའི་རང་བཞིན་དང་། དབང་གྲགས་རང་བཞིན། མི་རིགས་རང་བཞིན། ཡོངས་ཁྱབ་རང་བཞིན་བཅས་གཙིགས་སུ་བཟུང་ཡོད། ཉེ་བའི་ལོ་འགའི་རིང་ལ། བོད་ཡིག་དྲ་ལམ་ལག་རྩལ་གྱི་འཕེལ་རྒྱས་དང་ཡོངས་ཁྱབ་བེད་སྤྱོད་བྱས་པ་བརྒྱུད། ནུབ་ཕྱོགས་ཀྱི་དགྲར་འཛིན་སྟོབས་ཤུགས་དང་ཕྱི་ཕྱོགས་ཁ་བྲལ་སྟོབས་ཤུགས་ཀྱིས་དྲིལ་སྒྲོག་གི་སྟེགས་བུ་གལ་ཆེན་འདིར་དམིགས་ནས་འཛེམ་བག་མེད་པར་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ལ་ངོ་རྒོལ་གྱི་དྲ་ཚིགས་བཙུགས་སྟེ། མུ་མཐུད་དུ་འཆལ་གཏམ་དང་། “བོད་རང་བཙན”གྱི་འཆལ་གཏམ་སྤེལ་བཞིན་ཡོད། ཡིན་ཡང་ང་ཚོའི་རྒྱལ་ནང་གི་སྲིད་གཞུང་དང་ཁེ་ལས་འགའ་ཤས་ཞིག་ལ་བོད་ཡིག་ཆེད་ལས་དྲ་ཚིགས་ཡོད་པ་མ་གཏོགས། བོད་ཡིག་ཕྱོགས་བསྡུས་གསར་འགྱུར་དྲིལ་སྒྲོག་གི་དྲ་ཚིགས་གཅིག་ཀྱང་མེད། འདིས་མི་རིགས་ཁ་བྲལ་དང་སུམ་འཛུལ་ལ་ངོ་རྒོལ་བྱེད་པ་དང་མི་རིགས་ས་ཁུལ་གྱི་མཐུན་སྒྲིལ་གཏན་འཇགས་བཅས་ལ་གནོད་པ་ཆེན་པོ་ཐེབས་བཞིན་ཡོད།