འབྲེལ་ཡོད་དྲ་ཚིགས།
དེའང་བོད་ཡིག་གི་དྲ་བ་སྣ་ཚོགས་ཚོན་ཁྲ་གས་པ་བཞིན་སྒོ་གསར་འབྱེད་པའི་དུས་འདིར། དྲ་བ་ཕན་ཚུན་བར་མཛའ་སྦྲེལ་དང་རྒྱུ་ཆ་མཉམ་སྤྱོད་བྱ་བ་དེ་བརྡ་འཕྲིན་གྱི་ཁྱབ་རྒྱ་ཆེ་རུ་འགྲོ་བ་དང་འཕྲིན་ལམ་ཡངས་སུ་འགྲོ་བའི་ཐབས་ཤིག་ཏུ་ངེས་ཤིང་འཛམ་གླིང་སྤྱི་བའི་ཐུན་མོང་གི་འགྲོ་ལུགས་ཤིག་ཏུའང་གྲུབ་ཡོད། ཡིན་ནའང་དྲ་བ་གང་གི་ནང་དོན་དྲ་བ་གཞན་གྱིས་བེད་སྤྱོད་ཚེ་ངེས་པར་དུ་དེའི་རྩོམ་གྱི་ཡོང་ཁུངས་གསལ་བར་བྱ་བ་ནི། དྲ་བ་གང་དེར་བརྩི་བཀུར་བྱ་བ་དང་དེའི་ལས་ཀར་རོགས་པ་བྱ་བའི་རྣམ་འགྱུར་ཞིག་ཡིན་ལ་དྲ་བ་གང་དེའི་ཤུགས་རྐྱེན་ཆེ་རུ་འགྲོ་ཐབས་ཤིག་ཏུའང་ངེས། ངེད་མཆོད་མེ་དྲ་བར་མཚོན་ན། ༢༠༠༥ལོར་དྲ་སྒོ་ཕྱེ་བ་ནས་ད་ལྟའི་བར། ཆེད་དུ་ཡིག་གཏག་པ་གླས་ཏེ་བོད་ཀྱི་གནའ་དེང་གི་རྩོམ་ཡིག་མང་པོ་ཞིག་དེབ་དང་ཚགས་པར་སོགས་ལས་གློག་ཡིག་ཏུ་གཏགས་ནས་དྲ་བར་བཀོད་ལ། དེ་ཡིས་བོད་ཀྱི་དྲ་ངོས་ཀྱི་རྩོམ་ཡིག་ཕུན་སུམ་ཚོགས་པར་ནུས་པ་ཆེན་པོ་བཏོན་ཡོད། དེ་བཞིན་དྲ་བ་གཞན་ལས་རྩོམ་ལེགས་ཤོས་ཀྱང་བཀོད་ལ་དེ་ཚོར་རྩོམ་གྱི་ཡོང་ཁུངས་ཉིད་གསལ་བར་བྲིས་ཡོད། འོན་ཀྱང་རང་རེའི་དྲ་བ་མང་པོ་ཞིག་གིས་ངེད་དྲ་བ་ལས་རྩོམ་ཡིག་དག་པར་བཤུ་བྱས་རྗེསདེ་ཉིད་ཁོ་ཚོ་རང་གི་ཡིན་པ་ལྟར་བྱས་ནས་བཀོད་པ་དང་། ཡང་ན་དྲ་རྒྱ་ལས་བཏུས་པ་ཟེར་བ་ལས་དྲ་བ་གང་ཡིན་གསལ་བོར་མི་འགོད་པའི་གཡོ་ཟོལ་གྱི་ཐབས་ལ་བརྟེན་ནས་ངེད་དྲ་བའི་པར་དབང་ལ་གནོད་པ་ཆེན་པོ་བྱས་སོང་། དེ་འདྲའི་བྱ་སྤྱོད་ནི་རང་རེའི་དྲ་བའི་མཐུན་སྒྲིལ་ལ་གནོད་ཅིང་ཕན་ཚུན་གྱི་ལས་ཀར་བརྩི་འཇོག་མ་བྱས་པའི་རྟགས་ཤིག་ཏུ་འཁུམས། དེ་བས་འདིར་ངེད་དྲ་བས་ཆེད་དུ་བསྒྲགས་རྒྱུ་ནི། ངེད་དྲ་བར་ཐོག་མར་བཀོད་པའི༼རྩོམ་པ་པོས་པར་དབང་དྲ་བ་གཞན་ལའང་གནང་བ་ཕུད༽རྩོམ་ཡིག་ཡོང་ཁུངས་ལ་ངེད་དྲ་བ་ཞེས་བཀོད་ཡོད་པ་ཚང་མ་དྲ་བ་གཞན་ལ་འགོད་དུས་རྩོམ་གྱི་ཡོང་ཁུངས་ལ་མཆོད་མེ་དྲ་བ་ཞེས་བྲི་དགོས་པ་ལས་དྲ་རྒྱ་ལས་བཏུས་པ་སོགས་མི་བྲི་བའི་རེ་བ་སྙིང་ནས་ཞུའོ།། གཞན་གསལ་བསྒྲགས་འདི་སྤེལ་བ་ནི་རང་རེའི་དྲ་ལམ་རིག་གནས་ཕུན་སུམ་ཚོགས་པ་དང་གྲ་དག་པ་ཞིག་ཡོང་བའི་དམིགས་ཡུལ་ལས་གཞན་ཅི་ཡང་མིན་པས་ལྷན་རྒྱས་ཀྱི་དགོངས་པ་དྭངས་པར་ཞུ།
ད་ལམ་ཡོངས་ཀྱི་དགེ་བའི་བཤེས་གཉེན་མཁན་ཆེན་དམ་པ་ཤེས་རབ་བཟང་པོ་མཆོག་གི་བླ་ན་མེད་པའི་ཐུགས་བསྐྱེད་དང་བཀའ་གནང་འོག བྱང་ཆུབ་གླིང་བོད་ཡིག་དྲྭ་ཚུགས་དངོས་སུ་ཤར་གཏོང་བྱས་ཏེ་རང་རེའི་དྲྭ་ལམ་ནང་ཆོས་ཀྱི་སྡིངས་ཆ་ལ་ནུས་ཚོད་ཀྱིས་ཞབས་ཕྱི་ཕུལ་བའི་དབུ་བཙུགས་པ་ལགས་ན། ཐག་ཉེ་རིང་ཀུན་ལ་གནས་པའི་རིགས་གཅིག་གི་སྤུན་ཟླ་ཡོངས་དང་། ཁྱད་པར་བླ་མ་དཀོན་མཆོག་གསུམ་པོ་སྐྱབས་སུ་འཛིན་ཅིང་། ལས་འབྲས་བསླུ་བ་མེད་པ་ལ་ཡིད་ཆེས་རྙེད་པའི་སྤུན་ཟླ་ཡོངས་ཀྱིས་དྲྭ་ཚུགས་འདིར་བཀོད་པའི་བརྗོད་བྱ་རིན་ཐང་དང་ལྡན་པ་རྣམས་ལ་ཁོམ་པ་གང་ཡོད་ཀྱི་སྒོ་ནས་ཐོས་བསམ་སྒོམ་གསུམ་རེ་གནང་རྒྱུ་དང་། འདི་ཉིད་འཐུས་སྒོ་ཇེ་ཚང་དུ་འགྲོ་ཕྱིར། ཁྱེད་ཅག་ལ་དམ་པའི་ཆོས་ཀྱི་བྲོ་བ་མ་ཡལ་བའི་ནང་དོན་སྤུས་ལེགས་རེ་ཡོད་ན་འདི་གར་མཁོ་འདོན་གནང་བར་ཞུ་ཞིང་། ཆབས་ཅིག་ཏུ་དྲྭ་ཚུགས་འདིར་ནོར་འཁྲུལ་དང་མི་འགབ་པའི་ཆ་གང་བྱུང་ཐམས་ཅད་ལ་རྣམ་པ་ཚོས་ལྷག་བསམ་དག་པའི་སྒོ་ནས་དགོངས་འཆར་ལྷུག་སྩོལ་གནང་རོགས་ཞེས་སྙིང་ནས་ཞུ་བ་ཕུལ་བ་ལགས་སོ། །
བཻ་རོ་ཙ་ན་སློབ་གསོ་དྲ་བ་ནི་སྤྱིར་དྲ་ལམ་སློབ་གསོའི་ལས་རིགས་ཤིག་ཡིན་ཞིང་གཙོ་བོ་མི་རིགས་རང་གི་སྐད་ཡིག་དང་སྤྱི་ཚོགས་ཀྱི་དགོས་མཁོ་དམིགས་སུ་བཟུང་སྟེ་རྩ་འཛུགས་བྱས་པ་ཞིག་སྟེ། དྲ་རྒྱའི་ཁྱབ་ཁོངས་དང་སྤྱོད་ནུས་ཉིན་བཞིན་འཕེལ་རྒྱས་བློ་ཡུལ་ལས་འགོངས་པར་ཕྱིན་བཞིན་པའི་སྒང་འདིར།ཕ་སྐད་དང་མ་ཡིག་སྤྱད་དེ་དུས་རབས་གསར་བའི་ཆ་འཕྲིན་གྱི་རིག་གནས་སྣེ་དང་ཟུར་མི་འདྲ་བ་གང་མང་ལ་སློབ་སྦྱོང་དང་རྒྱུས་ལོན་བྱ་དགོས་པ་ནི་གཟུར་དུ་མེད་པའི་འགན་འབབ་ཞིག་ཏུ་ཆགས་ཟིན།དེར་བརྟེན།བཻ་རོ་ཙ་ན་སློབ་གསོ་དྲ་བ་ནི་ཐོག་མའི་སེམས་བསྐྱེད་མི་རིགས་རང་གི་སྐད་ཡིག་གནས་བབ་དང་ཆ་འཕྲིན་སློབ་གསོའི་རྣམ་པ་སྤྱི་ལ་བཏད་དེ།དཀའ་སྤྱད་དང་བརྩོན་པ་དུ་མས་འཚར་ལོངས་ཀྱི་རྒྱུད་རིམ་མི་ཉུང་བ་ཞིག་བརྒྱུད་དེ་ལམ་དུ་ཆས་པ་ཞིག་ཡིན།གཞན་ཡང་བོད་ཀྱི་ཆབ་དཔལ་རིག་གསུམ་སྤྱི་ལ་ཟུར་རྒྱན་གྱི་ཚུལ་དུ་རྒྱལ་སྤྱི་རང་བཞིན་གྱི་ཆ་འཕྲིན་སློབ་གསོ་ནང་འདྲེན་དང་།མི་རིགས་རང་གི་ཡ་བྲལ་རིག་གནས་འཐུས་ཚང་དང་དྲིལ་སྒྲོགས་བགྱི་བ་དང་དུ་ལེན་པ་ནི་གཏན་གྱི་འདུན་མར་བཟུང་ཡོད།དེ་བས་བཻ་རོ་ཙ་ན་སློབ་གསོའི་དྲ་བ་ནི་བོད་ཁུལ་གྱི་ཆེས་ཐོག་མའི་དྲ་ལམ་(སྒྲ་གཟུགས་བརྙན་གསུམ་དང་ཐད་གཏོང་)ཆ་འཕྲིན་སློབ་ར་དང་TEDསོགས་ཀྱིས་མཚོན་པའི་རྒྱལ་སྤྱིའི་མཚན་སྙན་འབར་བའི་གཏམ་བཤད་གང་མང་བོད་ཡིག་གི་ལམ་ནས་གསན་གཟིགས་བྱ་ཐུབ་པའི་འཆད་སྟེགས་ཤིག་ཡིན།