སི་ཁྲོན་ཁྱུང་ལུང་དངུལ་མཁར་བོད་རིག་གནས་ཁྱབ་སྤེལ་ཚད་ཡོད་སྤྱི་གཉེར་ཁང་ནི་དྲ་ལམ་སློབ་གསོ་དང་རིག་གནས་མྱུར་སྐྱོབ། རིག་གཞུང་བྱེད་སྒོ་རྩ་འཛུགས་སོགས་ཀྱི་ལས་ཀར་གཞོལ་བཞིན་པའི་སྤྱི……
སི་ཁྲོན་ཁྱུང་ལུང་དངུལ་མཁར་བོད་རིག་གནས་ཁྱབ་སྤེལ་ཚད་ཡོད་སྤྱི་གཉེར་ཁང་ནི་དྲ་ལམ་སློབ་གསོ་དང་རིག་གནས་མྱུར་སྐྱོབ། རིག་གཞུང་བྱེད་སྒོ་རྩ་འཛུགས་སོགས་ཀྱི་ལས་ཀར་གཞོལ་བཞིན་པའི་སྤྱི་གཉེར་ཁང་ཞིག་ཡིན། སྤྱི་ལོ 2018 ལོའི་ཟླ 8ཚེས 27ཉིན་གསར་དུ་བཙུགས་ཤིང་། སྤྱི་གཉེར་ཁང་གི་ལྟེ་གནས་སི་ཁྲོན་ཞིང་ཆེན་ཁྲིན་ཏུའུ་གྲོང་ཁྱེར་དང་བོད་ལྗོངས་ལྷ་ས། ཨ་མདོ་རྔ་བ་བཅས་ན་ཡོད། སྤྱི་གཉེར་ཁང་འདིར་ཆེད་བསྐོས་མི་སྣ་ལྔ་དང་ལས་ཞོར་མི་སྣ་སུམ་ཅུ་ལྷག་ཡོད། སྤྱི་གཉེར་ཁང་འདིའི་མངའ་ཁོངས་སུ་དྲ་ལམ་ལྡེ་མིག་སློབ་གླིང་དང་གངས་རིན་པོ་ཆེ་རིག་གནས་ཁྱབ་སྤེལ་ལྟེ་གནས། བོད་ཀྱི་གནའ་བོའི་ཡིག་རྙིང་རིག་གནས་མྱུར་སྐྱོབ་ལྟེ་གནས་བཅས་སྡེ་ཁག་གསུམ་ཡོད་དོ།།
འབྲེལ་ཡོད་དྲ་ཚིགས།
བཻ་རོ་ཙ་ན་སློབ་གསོ་དྲ་བ་ནི་སྤྱིར་དྲ་ལམ་སློབ་གསོའི་ལས་རིགས་ཤིག་ཡིན་ཞིང་གཙོ་བོ་མི་རིགས་རང་གི་སྐད་ཡིག་དང་སྤྱི་ཚོགས་ཀྱི་དགོས་མཁོ་དམིགས་སུ་བཟུང་སྟེ་རྩ་འཛུགས་བྱས་པ་ཞིག་སྟེ། དྲ་རྒྱའི་ཁྱབ་ཁོངས་དང་སྤྱོད་ནུས་ཉིན་བཞིན་འཕེལ་རྒྱས་བློ་ཡུལ་ལས་འགོངས་པར་ཕྱིན་བཞིན་པའི་སྒང་འདིར།ཕ་སྐད་དང་མ་ཡིག་སྤྱད་དེ་དུས་རབས་གསར་བའི་ཆ་འཕྲིན་གྱི་རིག་གནས་སྣེ་དང་ཟུར་མི་འདྲ་བ་གང་མང་ལ་སློབ་སྦྱོང་དང་རྒྱུས་ལོན་བྱ་དགོས་པ་ནི་གཟུར་དུ་མེད་པའི་འགན་འབབ་ཞིག་ཏུ་ཆགས་ཟིན།དེར་བརྟེན།བཻ་རོ་ཙ་ན་སློབ་གསོ་དྲ་བ་ནི་ཐོག་མའི་སེམས་བསྐྱེད་མི་རིགས་རང་གི་སྐད་ཡིག་གནས་བབ་དང་ཆ་འཕྲིན་སློབ་གསོའི་རྣམ་པ་སྤྱི་ལ་བཏད་དེ།དཀའ་སྤྱད་དང་བརྩོན་པ་དུ་མས་འཚར་ལོངས་ཀྱི་རྒྱུད་རིམ་མི་ཉུང་བ་ཞིག་བརྒྱུད་དེ་ལམ་དུ་ཆས་པ་ཞིག་ཡིན།གཞན་ཡང་བོད་ཀྱི་ཆབ་དཔལ་རིག་གསུམ་སྤྱི་ལ་ཟུར་རྒྱན་གྱི་ཚུལ་དུ་རྒྱལ་སྤྱི་རང་བཞིན་གྱི་ཆ་འཕྲིན་སློབ་གསོ་ནང་འདྲེན་དང་།མི་རིགས་རང་གི་ཡ་བྲལ་རིག་གནས་འཐུས་ཚང་དང་དྲིལ་སྒྲོགས་བགྱི་བ་དང་དུ་ལེན་པ་ནི་གཏན་གྱི་འདུན་མར་བཟུང་ཡོད།དེ་བས་བཻ་རོ་ཙ་ན་སློབ་གསོའི་དྲ་བ་ནི་བོད་ཁུལ་གྱི་ཆེས་ཐོག་མའི་དྲ་ལམ་(སྒྲ་གཟུགས་བརྙན་གསུམ་དང་ཐད་གཏོང་)ཆ་འཕྲིན་སློབ་ར་དང་TEDསོགས་ཀྱིས་མཚོན་པའི་རྒྱལ་སྤྱིའི་མཚན་སྙན་འབར་བའི་གཏམ་བཤད་གང་མང་བོད་ཡིག་གི་ལམ་ནས་གསན་གཟིགས་བྱ་ཐུབ་པའི་འཆད་སྟེགས་ཤིག་ཡིན།
